يا برهان
هل تصدق ؟ ؟
في المعابر بقت عندنا مقابر ؟
رسالتان بعثت بهما لك إنابه عن ثلثي أبناء شعبنا ونشرتهما علي صفحتي بالفيسبووك وقراتهما الميات وزرفوا دموعا علي الخدود ومسوول كبير قال لي : والله العظيم وانا اقرا (جرة قلم) بعنوان (عيد شنو ؟) دموعي ابت تقيف وبكيت لمرحله اللاوعي )
تصور ؟
يا اخي برهان
هل تعلم ان عدد موتانا عنما وصلو المعابر لا يحصي وأننا دفناهم هناك دون حنوط ودون أن نجد طريقة لنكتب شواهد علي قبورهم ؟دفناهم هناك دون حنوط ودون أن نجد طريقة لنكتب شواهد علي قبورهم ؟
ولم نسكل لم نقول حي ووب عليهم ؟
هل تصدق ؟
ان الذين اصيبوا بالتهابات البول وتورم المثانة والحميات والعقارب تتجول بينهم والصغار يصرخون والكبار يلاحقون العقارب بالحجارة والهلع يحتويهم فلا نوم يغازل الجفون ولا مشفي ضد العقارب والكل يبكي والرجال يحرسون النساء ولا مصلاية واحدة تفرش علي الأرض لأن العقارب بالمرصاد
هل تصدق هذا يا برهان ؟
البيوت التي بنيناها بعرق الجبين وبالديون وتركناها مفتوحه خلفنا وسكنها اخرون لم نسدد ديون أصحاب مواد البناء والنجارين والحدادين والسباكين بعد ..!!
هل تصدق يا برهان
يوم أن بدات الدانات تتفجر
واللهيب يعلو السماء والارض
كم من نساء أجهضن ؟
هل تصدق يا برهان
عندما هرولنا نحو الشارع لننجو من الموت قد تركنا مصلاية الصلاه والسبحة ودخر السنين من خلفنا ؟
هل تصدق يا برهان
حتي قروش الكفن وبرش الجنازة وقريشات الحياة والموت تركناهم في مخزن مفتوحا وتحت عنقريب في برندة قديمة ؟
هل تصدق يا برهان
علبه الجرتق وسبحة اليسر والهلال وتوب السرتي وفتيل الفلوردامور البرشوا بيهو الناس يوم العقد والجرتق قالو سرقوهو الدعامة ؟
هل تصدق يا برهان
ادوية السكري والضغط والكلسترول الجابوها اولادي من بره ذي موءنة السنة خليناها جوة التلاجة والتلاجة ذاتها شالوها وقالو عدة بيوتنا كلها معروضة للبيع في سوق ليبيا وسوق ستة وسوق الرابعة وسوق أبو حمامة ؟
والله يالبرهان
موجوعة ومحزونهة وباكية علي الحاصل علينا ده
هل تصدق يا البرهان
ان دموع الشعب السوداني كملت
والحزن تملكنا
والقروش العندنا قسمناها علي الما عندو
وبعد القلناهو ليك ده كلو
مايحن قلبك علينا
مهما كانت المرارات عشمانين الحرب تقيف ونرجع بيوتنا
والباقي كلو هين
