أحد الناجين من قبضة المليشيات يحكي مايدور وكيف إنتقل واسرته من الخرطوم الي شرق النيل وهذا ماحدث معنا قبل أيام الي التفاصيل

منو القال ليك ماف دول مع الدعم السريع..

. انا كنت ساكن في بري المحس ومع الضرب الشديد دانه وقعت في البيت وهدت السقف والحمد لله لم نصاب وخرجنا خامس يوم الي منطقة الجريفمنطقة الجريف شرق في شرق النيل وكنت اسكن بالقرب من مستشفي شرق النيل حتى تاريخ ١٤ يونيو يعني قبل أسبوعين من الان

والحمد لله طلعته بقدرة قادر ومعاي أسرتي وطيلة ١٤ شهر من الحرب أصبحت شرق النيل من الجريف وحي الهدي وحي الجامعه وحي النصر القادسيه وحلة كوكو مقر ورئاسة الدعم السريع ومكان القياده والسيطره والتحرك لأي منطقة يتم الفزع من شرق النيل… هنالك ليبيين ضباط وعساكر وسوريين ويمنيين وجنوبيين وتشاديين ونيجريين وافريقيا الوسطي ولديهم ارتكازات مختلفه داخل الأحياء والطرق والمداخل والمخارج… سوريون الإطلاق المسيرات وصيانة العربات الحديثه من كمبيوتر واي حاجه متطوره

وحتى طابعات العمله يعمل عليها سوريون ويسكنون معنا داخل الأحياء ونلتقي بهم يوميا في السوق والافران ومحلات الاكل وايضا الجنوبيين وبالذات النوير هم من يديرون إطلاق الاسلحه المتطوره من مدافع متطوره وهاونات وغيره ولديهم قيادات أيضا يمتطون لاندكروزرات ولهم حراسات خاصه بهم..

. أما التشاديون والنيجريون فيهم من يتحدث العربيه ومن القبائل العربيه وآخرين يتخاطبون بلغاتهم المحليه المختلفه… وانا شاهد عيان والله علي ما اقول شهيد.. ده غير الفزع القبلي من المواطنين من أصول الجنجويد وقبائلهم جميعا انضموا للدعم السريع ومنهم من كان يسكن لأكثر من ٢٠ عام ولما تم بما يسمي بفزع القبيله

جميعهم انضموا الي الدعم السريع شيبا وشبابا ومعروفين لدي اهل الحي منهم اساتذه جامعات وسواقين وموظفين وغيره من المهن… ده غير المجرمين والشفاشفه الحراميه وناس تصفية الحسابات وتجار المخدرات وتجار السلاح وبعض أصحاب النفوس الضعيفه كلهم أصبحوا دعامه وشغالين تجاره وقود ومخدرات

وآخرين يعملون بتجارة الدقيق والمواد الغذائيه ناهيك عن بعض أبناء المنطقه وعند سقوط مدني أصبحت شرق النيل مقر ومحل بيع المسروقات والمنهوبات من الجزيره كلها موجوده في شرق النيل…. وهنالك كميه من القيادات لديهم ثلاثه وأربعه بيوت مخزنين فيها العربات والمواد الغذائيه وشغالين تجاره في حق الناس.

.. اخر اسبوع وانا طالع أصبحت العربات المسروقه ليس لديها سوق ولا يوجد مشترين وشغالين يساوموك في عربيتك تدفع ٣٠٠ الف جنيه وتسوقها او يدخلوا بيتك ويقولوا ليك عاوزين العربيه تقول ليهم سسوقوها يقوموا يفاوضوك تدفع ليهم المبلغ المطلوب حسب العربيه ويفكوها ليك…. فشنو الموضوع كبير والشغلانيه ليست كما يسمع الناس في الوسائط وأم دوم اخر حاجه دخلوها بي ١٧ لاندكروزر وشالوا اكتر من ٣٠٠ عربيه وقروش الناس كلها اخدوها بالرغم من انه معاهم كم قائد كان حارس الحي لكن برضو تم تهديده ودخلوها واشتباحوها وما خفي أعظم

….. وشخصي الضعيف عشان اطلع الا دفعة فديه لنفسي ولولا معاي أسرتي أطفال صغار والحاجه الكبيره كنت اروح في ٦٠ داهيه والحمد لله على كل حال…. تدمير ممنهج وتصفية حسابات عديل كده…. ماف زول قاعد ليه في دوله اوروبيه ولا خارج السودان يقعد يملا لينا القروب كلام فاضي والله انت شايقي ولا جعلي او محسي حلفاوي يا ويلك اقلاها ننضرب وقصة الجلابه ما بيحكمونا ده شعارهم وما حنخلي ليكم بيت ولا مصنع ولا عفش ولازم نتساوي معاكم…. والقصص كتيره للناس الما فاهمه الحاصل شنو… ديل جنجويد رباطه ومعاهم مرتزقه اجانب دمروا البلد وانتهوا منها نهائيا والله ما خلوا حاجه في بيت حتى مفاتيح المراوح

ومقاعد الحمامات شالوها…. وكل الامكانيات عندهم… وماف قائد ارتكاز من غير يكون من الرزيقات عشان ما تسوقونا بالخلاء ساي… العاوز تفاصيل اكتر يخش لي في الخاص اما قصة كيزان ده موضوع فارغ ليس إلا وتسويق بتاع قحاته فقط ده غير المتعاونين من لجان المقاومه وأولاد الحي لانه هم الدخلوهم الأحياء وعرفوهم انه ده بيت عسكري وده بيت ضابط وده موظف في الماليه وغيره.. الشغلانيه ممنهجه ومرتبه ومافيهم زول بيعرف ربنا ولا بخاف من الله يا ما كتلوا وعملوا اي حاجه مخالفه للشرع والقانون لأنهم في حالة سكر ومخدرات طول اليوم ونساوين وقلة ادب…. الله المستعان بس