احد الأبطال من داخل المعارك والميدان يحكي المثير والعجيب من هول المشاهدات ويوضح بأن المليشيات المتمردة أنتهت في الميدان وهذا هو مايحدث الان الي التفاصيل

أحد أبطال هيئة العمليات قال أنا بعد تالت يوم في الحرب عرفت انو جيشنا ماحيسقط بإذن الله قلت ليهو ليه

قال الدعامة هاجمو القيادة العامة بي ٦٠٠ تاتشر اولهم في القيادة مرورا ببُري واخرهم جهة شارع الستين
يهجمو ٢٠٠ تاتشر هجوم كاسح ماسح ويتراجعو
يتقدمو البعدهم ٢٠٠ تاتشر ويرجعو تاني يتقدمو الباقين
قال وقتها القيادة فيها فقط ٤٠٠ من ضباط وافراد

قال هكذا على مدى يومين لمن لحقناهم نحن ٧٠ تاتشر في اليوم التالت جينا متسللين من جهة حطاب وقدرنا نصل القيادة واشتبكنا معاهم لمن شتتناهم
قال لقينا نص الجيش استشهد اكثر من ٢٠٠ شهيد
والباقين صامدين صمود الجبال بدون طعام او شراب
لمن شارفو على الهلاك وبعضهم مصاب وبعضهم مرض

من الطرائف أحد ضباط الجيش جسمو اتورم من قل الموية قلع كاكيهو واتسلل مشى للدعامة قال ليهم انا عامل مستودع ومريض شالو ودوهو المستشفى

بالله شوف الدعامة كانو وين وبقو وين
كانو محاصرين قادة الجيش كلهم ومحاصرين أخطر مكان وهم بكامل قوتهم وعددهم وعتادهم والليلة وين !

هجمو على المدرعات اكثر من ٢٠٠ هجوم عنيف بكل أنواع الذخيرة والليلة المدرعات بتمشط في الأحياء المحيطة هجمو عشرات المرات على الإشارة لمن قنعو وخلو

الدعم وقحط مع الكفيل كانو مخططين ومتوقعين سقوط الخرطوم خلال ساعتين ومامتخيلين الشغلة تجر معاهم كدا ابدا بل حتى البيانات كانو جهزوها

الجيش بفضل الله امتص الصدمة الكبرى واشتغل معاهم تكتيك ودفاع بخطط كانت نتيجتو مقتل اكثر من ٣٠٠ الف متمرد وتدمير آلاف المركبات القتالية بينما لم يخسر أكثر من ٧ آلاف جندي نحسبهم شهداء ان شاء الله
الفترة الفاتت الجيش شغال إعداد وتدريب وتسليح
والآن بقى أقوى مما كان عليه في بداية الحرب

بينما الدعم وبعد خسارة مئات آلاف الجنود والعتاد أصبح أضعف بكثير مما كان عليه في بداية الحرب

لولا استخدام الدعم أساليب قتال قذرة كان الليلة انتهو
الدعم بعد خسارة جنودهم ومركباتهم لجأو إلى جلب المرتزقة من كل مكان ولجأو للإستيلاء على سيارات المواطنين للقتال بها واعتمدو تموين قواتهم على نهب محلات ومخازن المواطنين ناهيك عن دعم الدويلة الغير محدود عبر مطارات تشاد كلها

ولو الجيش عمل زي عمايلهم دي واستولى على مركبات المواطنين وقاتل بيها لكان تغير الوضع لكن جيشنا جيش أخلاقي مابيستخدم الأساليب القذرة دي
الخلاصة

الدعم في عز قوتهم وجبروتهم ماقدرو على الجيش
يقدرو عليهو هسي